აღმოაჩინე თუშეთის გასტრონომია

ტურის ხანგრძლივობა: 4 დღე

პირველი დღე: თბილისი - ალვანი - ომალო - შენაქო - დიკლო - ომალო გასვლა თბილისიდან (07:00-ზე ველოსიპედის ძეგლიდან) თუშეთის მიმართულებით;  შესვენება  თელავში;  ომალოში ასვლა  და განთავსება სასტუმროში. თავისუფალი დრო დასვენებისათვის (ერთი საათი).

 შენაქოსა და დიკლოს მონახულება - ტრადიციული თუშური კალტის (სანათა ბებოს საფირმო კერძი) დაგემოვნება; 

ვიზიტი ომალოში, ტრადიციულ თუშურ ოჯახში და მასტერკლასი:  თუშური ხანჯლით დაკეპილი ხინკლის მომზადება-დაგემოვნება. ღამისთევა ომალოში.

მეორე დღე: ომალო - ქუე (ნიამორების გადმოსახედი), პირიქითის თუშეთი და სოფლები: დართლო, კვავლო, ფარსმასასტუმროში საუზმე,  ძველ ომალოში კესელოს ციხეების დათვალიერება, საიდანაც იშლება თვალწარმტაცი პანორამული ხედები. თავისუფალი დრო ფოტოების გადასაღებად; ქუეს - ნიამორების გადასახედის მონახულება.  ტრადიციული თუშური ოჯახის მონახულება  და  მასტერკლასი: ჩობან ყაურმის მომზადება ( კერძის მომზადებას სჭირდება 7-8 საათი ესაჭიროება, მასტერკლასის  შემდეგ გავემგზავრებით პირიქითის თუშეთში);  სოფლებში ვიზიტი: დართლო (გეგმიური სადილი), კვალო, დანო და ფარსმა. Ქუეში დაბრუნება და  ვახშამი:   ჩვენ მიერ მომზადებული ჩობან-ყაურმა, ასევე, მასტერკლასი, რომლის ფარგლებშც მოვამზადებთ და დავაგემოვნებთ: კოტორს,  ცხვრის მწვადს, ერბოანყვას, გუდის ყველს, ხავიწს მაჭიკითა და გორდილათი -  ეს ყოველივე კი,   თუშური ფოლკლორის თანხლებით; დაბრუნება და ღამისთევა  ომალოში. 

 

მესამე დღე: გომეწრის ხეობა

სასტუმროში საუზმე,   გომეწრის ხეობისაკენ გამგზავრება და სოფელ ბოჭორნას მონახულება (ევროპაში ყველაზე მაღალ დასახლებულ სოფლად მიიჩნევა); თავისუფალი დრო ფოტოების გადასაღებად;  სოფელ  დოჭუს მონახულება; ომალოში დაბრუნება  და მასტერკლასი:  კოტორის, დათხურის, ქუმელის, ჩავეს, ფუხლუწოს და გორდილას მომზადება-დაგემოვნება;

დაბრუნება ომალოში, ტრადიციულ თუშურ ოჯახში და ვახშამი გარმონის თანხლებით; ღამისთევა ომალოში.

 

მეოთხე დღე: ომალო - თბილისი

სასტუმროში საუზმე; თავისუფალი დრო ომალოში სასეირნოდ / ფოტოების გადასაღებად და გამგზავრება თბილისის მიმართულებით (საგზლად დაუვიწყარ  შთაბეჭდილებებსა და ემოციებს გაგატანთ). 

ღირებულებაში შედის:- გიდის/მეგზურის მომსახურება: გასტრონომიული ასოციაციის პრეზიდენტი და გასტრონომიული მკვლევარი დალი ცატავა;- 3 მასტერკლასი მრავალფეროვანი ტრადიციული თუშური კერძებით; - 3 თუშური ტრადიციული სუფრა/ვახშამი (+ თუშური ფოლკლორი)- 3 ღამე განთავსება ნუგზარ იდოიძისა და ციალა ბახტურიძის საოჯახო ტიპის სასტუმროში;- 3 საუზმე (სასტუმროში);- მგზავრობა თბილისიდან-თბილისამდე მაღალი გამავლობის ავტომობილით (მრავალწლიანი გამოცდილების მქონე  მძღოლით). 

 

გთხოვთ გაითვალისწინოთ:• პირად სამოსთან ერთად იქონიოთ: თბილი მოსაცმელი, საწვიმარი, მთაში გადასაადგილებლად კომფორტული ფეხსაცმელი, მზის ქუდი და მზისგან დამცავი საშუალებები;• პირველ დღეს გვექნება მხოლოდ ვახშამი და ბოლო დღეს მხოლოდ საუზმე;

• ფეხით სავალი მონაკვეთები: ფარსმა (400 მ., 20-30 წთ.); გირევი (1 კმ., 30-40 წთ.); კვავლო (400 მ., 20-30 წთ.); დოჭუ (400 მ., 20-30 წთ.).